ကတိက၀တ် မလိုတဲ့ သစ်ပင်

ခက်ဖြာလာတဲ့ သစ်ပင်လေးဟာ
ကြည့်မ၀အောင်လှနေ
ဘယ်သူယုယခဲ့သလဲ...
ပန်းပွင့်လေးရဲ့ အသက်ဟာ နားလည်မှုဆိုရင်
အချစ်ကြောင့် မွှေးပျံ့လို့သွားတယ်
တစ်တောလုံး...
ဘယ်ဘက်ကိုင်းဖျားလေး အောက်မှာ
အလိုမကျတိုင်းဝင်ထိုင်နေတတ်တဲ့
စိတ်ကောက်သစ်သီးတစ်လုံးကလွဲရင်
ဘာကိုမှလည်း မငြိုငြင်ချင်ခဲ့
တစ်ယောက်ရင်ထဲ တစ်ယောက်စွဲထားတဲ့ အမြစ်က
ဘယ်လောက်နက်ရှိုင်း တိုးဝင်နေတယ်ဆိုတာ
သာမန်မျက်စိနဲ့ မမြင်နိုင်ဘူး
ကောင်းကင်ဘယ်လောက်ကျယ်ကျယ်
ကိုယ်တို့ တိုးတိုးလေးပဲ ရယ်နေလိုက်ကြမယ် ။

တယော

၁၇.၁၁.၁၃

အချစ်

ပန်းခင်းရှိရာ အ ရောက်လာခဲ့တယ်
မင်း လက်ထဲက ဓားတစ်စင်းလားကွယ်
စိတ်ချ လက်ချ
မျက်လုံးမှိတ်လို့ အိပ်တော့မယ်
ကမ္ဘာ ပေါ်မှာ နှင်းဆီအနီ တစ်ပွင့်ထဲ ရှိ တော့တဲ့အခါ
ကိုယ့်ကို အိပ် ရာနှိုးပါ
သစ္စာ မေတ္တာရွတ်ဖတ်သံတွေဟာ
ပျံဝဲ နေတဲ့ လိပ်ပြာ
သူ့ပခုံး ထက်မှာ နားပါစေ။

တယော